Con anterioridade ó 25 de abril do ano 2009, a revista “LAVADORES” publicaba na súa editorial firmada por Emilio Pazos, que presidía o que parecía unha comisión xestora da Asociación, a súa intención de abandoar o cargo. Unha vez que ofreceulle o seu cargo a tódolos directivos, expresidentes, monitores,… e ninguén quería facerse cargo da entidade veciñal. Esto mesmo dicíase pola megafonía da AVCD Lavadores.
Era unha situación difícil debido ao abandono e que ninguén quería facerse cargo da Asociación; sendo valorada a proposta de entregala ao Concello.
Foi entón cando un directivo, Jose González, falou cun veterano socio da entidade veciñal, que ata esa data estaba involucrado en tarefas de responsabilidade política, sindical e social, para propoñerlle que se fixese cargo da Asociación; pois ninguén o faría, co serio perigo de desaparición da entidade veciñal.
Despois de reflexionar sobre a proposta feita polo seu amigo Pepe, aceptouna coa responsabilidade que conleva. Así na Asemblea Ordinaria do 25 de Abril do 2009, con pouca asistencia de socios e socias, ao ver que ninguén se presentaba, el presentou a súa candidatura á presidencia da entidade veciñal. Na súa exposición, explicou a súa traxectoria de compromiso e pediu a máxima colaboración para “levantar” a Asociación e devolverlle a situación que lle correspondía; é dicir, estar entre as mellores.
A partir de ese intre, empezou a traballar coa máxima dedicación para poder facer un equipo e poñéndose mans a obra.
¿QUÉN É O PRESIDENTE?
Eduardo Fernández Pérez, nado en Vigo na rúa Poboadores, de nai da Ribeira e de pai de Cambeses - Lavadores. O Presidente viviu dende os 13 anos no camiño de Fermín – Cambeses, polo que é un coñecedor profundo das carencias desta parroquia.
A súa formación obedece aos criterios dun autodidacta; é dicir unha persoa que se fixo a sí mesmo. A súa profesión foi a de mecánico axustador; formado na Escola de Aprendices da empresa Hijos de J. Barreras, que de aquela tiña a 2500 traballadores, na que ingresou o dia 9 de maio do 1961.
Dende a súa xuventude estivo militando no Partido Comunista de Galicia, do que chegou a ser membro do seu Comité Central e do Comité Executivo. Asistindo, no seu longo período de militancia, a tódolos congresos que celebraba o Partido Comunista de España; así como a 2ª Conferencia do PCE celebrada en París no ano 1975, na que se aprobou o Manifesto Programa que foi determinante na transición política en España.
Dende o ano 1988 é militante do Partido Socialista Obrero Español (PSOE). A actividade política do Presidente da AVCD Lavadores estivo sempre orientada no campo do traballo social e sindical. Cando en España, todo o que significa Liberdade, estaba penado, perseguido e prohibido.
O noso Presidente foi membro da Coordinadora Xeral de Comisións Obreiras de España dende o ano 1970 e membro do Secretariado Permanente durante o período de 1972 o 1978. Neste ultimo período foi detido en numerosas ocasións e expedientado polo Tribunal de Orde Publico.
Durante o período 1972 – 1978 xogou un papel importante na negociación e articulación dos organismos democráticos que despois foron determinantes para rematar coa ditadura.
Xa en democracia, o noso Presidente, foi membro do Consello Galego de Relacións Laborais no período 1990 - 2000 e do Consello Económico e Social no período 1996 - 2000. Tamén foi durante máis de 30 anos membro da Dirección Nacional de CC. OO. De Galicia, exercendo as responsabilidades de: Información e Propaganda, Emprego, Acción Sindical, Migracións e política Internacional.
Eduardo Fernández Pérez, Presidente da AVCD Lavadores, é unha persoa sinxela, austera, que aporta experiencia e que trata de obter dos recursos existentes o mellor para a nosa Asociación; como así o demostra a realidade actual da Entidade Veciñal.
Como socio posúe o numero 600, e é un dos veciños que en 1985 aportou as 5.000 pesetas para a compra das actuais instalacións.
No eido deportivo, a mediado dos anos 60, foi a persoa que formou parte do equipo que levantou o Club Deportivo Nieto, do que é Insignia de Ouro do Club. Tamén foi vicesecretario do Club Gran Peña, cando era filial do R.C. Celta. Colaborou sempre coas nosas queridas Escolas Nieto.
No ano 1991, ante a pasividade da Directiva, naquel intre, da Asociación Veciñal, foi capaz de articular o movemento asociativo de Lavadores, para derribar o chalet onde vivía o Coronel que mandaba no Cuartel de Barreiro, onde estaba instalado o Rexemento de Murcia 42 e que era un lugar de drogas. E na negociación co Concello para conquerir o acordo cos antigos propietarios dos terreos do Peri de Barreiro.
O noso Presidente sentindo os cores do Gran Peña, foi capaz de manter unhas excelentes relacións cos Clubs Deportivos da zona. Con Humberto do Santa Marina; con Jose Castro e Carlos Fernández Trigo do Club Turista; con responsables do Club Deportivo Brea, etc.
Eduardo Fernández Pérez, é unha persoa de sumar vontades, criterios, ideas progresistas,… polo que fai del unha persoa constante co seu traballo.
Este é o noso Presidente, que co seu exemplo e entrega diaria quere marcar o camiño a seguir.
